Presidenti i ri

E çuditshme: Biden nuk arriti të hyjë në Shtëpinë e Bardhë për shkak se dera ishte mbyllur

Presidenti amerikan, Joe Biden, bashkë me Zonjën e parë, Jill, kanë pasur ca momente të sikletshme në Ditën e Inaugurimit.

Kjo pasi që dyert kryesore të 1600 Pennsylvania Avenue nuk qenë të hapura për ta – një shkelje protokollare si pasojë e pushimit nga puna të kryeportierit të Shtëpisë së Bardhë pak orë para inaugurimit.

I pari i Amerikës u ngjit shkallëve bashkë me gruan e tij dhe provuan ta hapin derën, por ajo nuk hapej.

Biden rri nja dhjetë sekonda i hutuar para derës, dhe më pas kthen kokën kah anëtarët tjerë të familjes.

Si duket dikush brenda e ka parë gabimin dhe menjëherë ka nxituar që ta hapë derën.

Shpërndaje