Dreshaj: Menaxhimi i shëndetësisë pa strategji, më shumë se dy muaj nuk ka ministër
Deputeti i AAK-së, Shemsedin Dreshaj, e ka kritikuar ashpër Qeverinë në lidhje me mungesën e menaxhimit të sektorit shëndetësor.
Dreshaj në Kuvendin e Kosovës, ka thënë se secila Qeveri që ka ardhur e ka përmendur shpesh shëndetësinë, por veprime sipas tij kanë bërë pak. Për Qeverinë Kurti ai tha se është pa strategji duke e kritikuar edhe mungesën e ministrit në këtë sektor.
Dreshaj, theksoi se ika e profesionistëve shëndetësor është për shkak të pagave të ulëta si dhe për shkak të mungesës së sigurisë në punë. “Me ikjen e profesionistëve vetëm 191 gjatë këtij viti me 362 mjekë të papunë, me mungesë të anestiozologëve, dhe rënies së programeve kirurgjike për shkak të mungesës së tyre, me kërcënim të mbylljes së klinikave siç është klinika e ORL-së. A është mirë? Jo”, u shpreh Dreshaj.
