DOKUMENT| Shkelje e familjarizëm – pse u anulua konkursi i shumëpërfolur në KEK?

Nisi në kohë fushate e u përmbyll pasi që Vetevendosje veçse kishte konsoliduar pushtetin. Një konkurs punsimi në KEK bëri bujë aq sa edhe një parti opozitare dërgoi kallëzim penal në Prokurori. Mediat zbuluan shumë lidhje familjare e lidhje me partine në pushtet. Menaxhmenti i KEK në fund vendosi ta anulonte këtë konkurs? Insajderi sjell raportin që i shtyu ata të merrnin vendimin.

Gjatë ditës së djeshme Korporata Energjetike e Kosovës e ka anuluar konkursin e shumëpërfolur për punësime familjare të anëtarëve të Bordit të KEK-ut dhe militantëve të Lëvizjes Vetëvendosje.

Konkursi është anuluar për të gjitha pozitat e shpallura për 127 vende të lira pune, pas rekomandimit nga komisioni i pavarur për vlerësimin e procesit të rekrutimit i cili ishte themeluar me insistimin e Drejtorit të KEK dhe përkrahur nga Zyra e BE-së në Prishtinë.

Në një dokument të siguruar nga Gazeta Insjaderi, thuhet se nga 127 kandidatët për pozita në KEK, 41 prej tyre kanë familjarë të punësuar në këtë institucion. Por që nuk përjashtohet mundësia të ketë edhe më shumë, pasi që sipas dokumentit mungojnë të dhënat.

“Nga 127 kandidatët e zgjedhur 41 kandidat kanë të punësuar anëtarë të ngushtë të familjeve ky numër mund të jetë më i madh por nuk kemi mundur ti gjurmojmë pasi na mungojnë të dhënat pasi në programin e CAS it që e shfrytëzojnë DBNJ nuk i kanë të gjithë të regjistruar anëtarët e familjes së ngushtë dhe aty janë të regjistruar vetëm bashkëshortja dhe fëmijët dhe jo vëllëazrit, motrat e të tjerët, në mesin e tyre 17 kandidat e kanë deklaruar në aplikacion se kanë anëtarë të ngushtë të familjeve në KEK ndërsa 22 nuk e kanë deklaruar”, thuhet në dokument.

Gazeta Insajderi ka kuptuar se kandidati i zgjedhur për pozitën ‘Teknik të makinerisë’, Nol Ismet Vrapqani është djali i Kryeauditorit të KEK-ut, Ismet Vrapqanit.

Nol Vrapqani nuk i ka plotësuar kriteret për këtë pozitë dhe nuk është dashur të ftohet në testin me shkrim.

I biri I Ismet Vrapqanit, Noli ka deklaruar se është me profesion ekonomist  në departamentin Banka dhe Financa, por që pasi iu kërkua diploma, ai kishte dorëzuar një diplomë kopje të kursit për axhustator.

“z. Nol Ismet Vrapqani  në aplikacion e ka deklaruar profesionin Ekonomist Banka dhe Financa si dhe PMP Gjimnazi  nuk i ka plotësuar kriteret e shpalljes për pozitën që ka aplikuar Teknik i makinerisë kur ju është kërkuar diploma ka dorëzuar  një diplomë kopje të kursit për axhustator  andaj nuk është dashur të ftohet në testin me shkrim”, thuhet në dokument.

Gjatë ditës së djeshme Korporata Energjetike e Kosovës e ka anuluar konkursin e shumëpërfolur për punësime familjare të anëtarëve të Bordit të KEK-ut dhe militantëve të Lëvizjes Vetëvendosje.

Konkursi është anuluar për të gjitha pozitat e shpallura për 127 vende të lira pune, pas rekomandimit nga komisioni i pavarur për vlerësimin e procesit të rekrutimit i cili ishte themeluar me insistimin e Drejtorit të KEK dhe përkrahur nga Zyra e BE-së në Prishtinë.

Në një dokument të siguruar nga Gazeta Insjaderi, thuhet se nga 127 kandidatët për pozita në KEK, 41 prej tyre kanë familjarë të punësuar në këtë institucion. Por që nuk përjashtohet mundësia të ketë edhe më shumë, pasi që sipas dokumentit mungojnë të dhënat.

“Nga 127 kandidatët e zgjedhur 41 kandidat kanë të punësuar anëtarë të ngushtë të familjeve ky numër mund të jetë më i madh por nuk kemi mundur ti gjurmojmë pasi na mungojnë të dhënat pasi në programin e CAS it që e shfrytëzojnë DBNJ nuk i kanë të gjithë të regjistruar anëtarët e familjes së ngushtë dhe aty janë të regjistruar vetëm bashkëshortja dhe fëmijët dhe jo vëllëazrit, motrat e të tjerët, në mesin e tyre 17 kandidat e kanë deklaruar në aplikacion se kanë anëtarë të ngushtë të familjeve në KEK ndërsa 22 nuk e kanë deklaruar”, thuhet në dokument.

Në dokument thuhet se për pozitat në konkursin e KEK-ut nuk janë zgjedh kandidatët që kanë pasur pikët maksimale në testimin me shkrim 94 deri në 80 pikë, por janë zgjedhur ata me nga 59 pikë.

“Sa kemi vërejt nuk janë zgjedhë kandidatët që kanë pas pikë në testin me shkrim 94, 93, 88, 87 e deri në 80 pikë e janë zgjedhë kandidatët me nga 59 pikë e më lartë Anëtarët e komisionit kanë qenë autonom dhe kanë bërë zgjedhjen e tyre”, thuhet në dokument.