Presidenti i RS-së
Dodik: Të gjithë qytetarët e Republikës Serbe duhet të marrin nënshtetësinë e Serbisë
Presidenti i Republikës Serbe, Milorad Dodik, pas votimit në Banjallukë, ka thënë se ka shfrytëzuar të drejtën e tij si qytetar i Serbisë për të votuar në konsullatë.
Ai theksoi se është e rëndësishme që të gjithë qytetarët e RS-së të marrin automatikisht nënshtetësinë serbe, dhe jo siç është tani, kur ka procedura të komplikuara për të votuar në zgjedhjet në Serbi, transmeton Ballkani.info.
Dodik tha se e pa që pjesëmarrja ishte e madhe, se njerëzit ishin të interesuar dhe se kjo do të ofronte shumë mbështetje politike për forcat që do të sigurojnë që Serbia të jetë e qëndrueshme. “Një Serbi e fortë dhe stabile është edhe në interes të Republikës Serbe”, theksoi Dodik.
Sipas tij, RS-ja natyrisht ka marrëdhënie të shkëlqyera me Serbinë dhe kur Serbia është stabile, kjo është një mbështetje për Banjallukën për të gjitha proceset që janë të vështira për Republikën Serbe.
Dodik theksoi se prandaj është e rëndësishme që të gjithë qytetarët e RS-së të marrin automatikisht shtetësinë serbe, dhe jo siç është tani, kur ka procedura të komplikuara.
Dodik theksoi se kroatët nga BeH tashmë janë përfshirë në zgjedhjet në Kroaci në këtë mënyrë sepse automatikisht kanë nënshtetësi kroate, si dhe e njëjta gjë është me komunitetin hungarez në rajon, i cili ka të drejtën e votës në zgjedhjet në Hungaria.
Presidenti i RS shprehu shpresën se një marrëveshje e ngjashme do të arrihet në bisedimet me zyrtarët serbë që qytetarët e Serbisë të votojnë në zgjedhjet në Serbi dhe se ai do të luftojë për të.
Sipas tij, aktualisht nënshtetësi serbe kanë edhe 13 mijë qytetarë të RS-së. /Ballkani.info/
