Dita e nëntë e bllokadës, situatë e qetë në veri
Sot është dita e nëntë e vendosjes së barrikadave nga serbët e veriut, në shenjë proteste për vendimin e Qeverisë së Kosovës lidhur me reciprocitetin në targa me shtetin serb.
Pas vendimit që çdo automjet që hynë në Kosovë nga Serbia të ketë të vendosura targat e përkohshme, serbët vazhduan me kundërshtimet e tyre ku vendosën barrikada të shumta në rrugët që qojnë drejt pjesës kufitare në Bërnjak dhe Jarinje.
Për nëntë ditë radhazi të njëjtit vazhduan të qëndrojnë në këtë anë, duke e ndërruar njëri-tjetrin por duke mos e lënë kurrë të zbrazët këtë anë kufitare.
Gjatë ditës së djeshme, KFOR-i ka shtuar numrin e ushtarëve dhe patrullimeve në gjithë territorin e Republikës së Kosovës përfshirë edhe veriun e vendit.
Lidhur me situatën në veri, pritet të mbahet edhe një takim në Bruksel, ku do të marrë pjesë edhe përfaqësuesi amerikan, Gabriel Escobar, zëvendës ndihmës sekretar i Departamentit të Shtetit.
Qeveria e Kosovës, gjatë ditës së djeshme e e ka pohuar për Gazetën Online Reporteri.net se do të ketë takim Kosovë-Serbi së shpejti në Bruksel, por duke shtuar se ende nuk është konfirmuar dita e takimit.
