Raportuesja për Kosovën në Parlamentin Evropian, Viola Von Cramon ka takuar përfaqësuesit e Luginës së Preshevës, Medvegjës dhe Bujanocit.

Në një postim në “X”, Von Cramon ka shkruar se gjatë takimit është diskutuar për diskriminim sistematik të shqiptarëve nga ana e Serbisë.

“Takim i rëndësishëm me përfaqësuesit politikë të komunitetit shqiptar nga jugu i Serbisë. Diskriminimi sistematik ndaj tyre, duke përfshirë pasivizimin e adresave nga Qeveria e Serbisë është e papranueshme dhe duhet ndalur menjëherë”, ka shkruar Von Cramon.

Important meeting with the political representatives of #Albanian minority from the south of #Serbia.

The systematic discrimination against them, including the ‘passivisation’ of addresses, by @SerbianGov is unacceptable and must be stopped immediately!@shkamberi pic.twitter.com/Xc4oL1ZHJY

— Viola von Cramon 🇺🇦🇪🇺🇮🇱 (@ViolavonCramon) April 24, 2024

Ajo ka shtuar se zbatimi i plotë i të gjitha dispozitave të dakorduara që nga Marrëveshja e vitit 2001 pritet menjëherë dhe mbetet si kusht për Serbinë në rrugën drejt BE-së.

Përveq Von Cranon, përfaqësuesit e Luginës kanë takuar edhe eurodeputeten Isabel Santos dhe eurodeputetin Lukas Mandl.

Deputeti shqiptar në Parlamentin e Serbisë,Shaip Kamberi shkroi në “X” se takimi me eurodeputetin Mandl ishte shumë i frytshëm.

“Takim shumë i frytshëm me eurodeputetin Lukas Mandl. Diskutuam për rajonin dhe të drejtat e pakicave. I urova suksese në rizgjedhjen e tij. Bashkëpunimi për drejtësi dhe barazi është thelbësor”, ka shkruar Kamberi.

very fruitful meeting with MEP @LukasMandl. We discussed the region and the rights of minorities. I wished him success in his re-election. Cooperation for justice and equality is essential. pic.twitter.com/mOUawxeCnr

— Shaip Kamberi (@shkamberi) April 24, 2024

Ish-kryetari i Këshillit Kombëtar Shqiptar, Ragmi Mustafi ka shkruar në Facebook se është shumë e rëndësishme që zyrtarët e Bashkimit Evropian të jenë të informuar për abuzimin me të drejtat e njeriut në Luginën e Preshevës dhe të cilësojnë veprimet që janë në kundërshtim me vlerat e tyre.

“Eurodeputetja Isabel Santos duket se ka një angazhim të fortë në mbrojtjen e të drejtave të minoriteteve”, ka shkruar ai.

BONUS VIDEO