Detaje nga aksidenti në Skenderaj ku humbi jetën një person
Një 70-vjeçar ka vdekur si pasojë e një aksidenti në trafik, në mes dy veturave, në fshatin Kosterc të Skenderajt, të premten mbrëma.
Këtë e ka konfirmuar Avni Zahiti nga Policia në Mitrovicë. Ai tha se në aksident ishte i përfshirë edhe një person.
“Sonte rreth orës 17:00, në rrugën lokale në fshatin Kosterc të Skenderajt, ka ndodhur një aksident trafiku me fatalitet, ku për pasojë një 70 vjeçar, ka vdekur, në aksident ishin të përfshira dy automjet me targa vendore”.
Tutje, ai ka bërë të ditur se dy drejtuesit e automjeteve janë dërguar në spital të Mitrovicës për trajtim mjekësor.
“Me urdhër të prokurorit kujdestar, trupi i pajetë i viktimës është dërguar në Institutin e Mjekësisë Ligjore”, ka shtuar ai.
