Pjesa më e madhe e ligave të futbollit në gjithë Evropën janë pezulluar përkohësisht për shkak të koronavirusit, e njëjta nuk mund të thuhet për Superligën e Turqisë.

Në Turqi është vetëm një i infektuar me këtë virus, kështu që jeta e përditshme është normale.

Kjo natyrisht vlen edhe për kampionatin e tyre të futbollit.

Të dielën në ‘Ali Sami Yen’, do të zhvillohet derbi i madh turk mes Galatasaray dhe Besiktas, dhe atë para 50 mijë tifozëve.

“Derbi mes Galatasaray dhe Besiktas do të luhet para tifozëve. Ne kemi marrë të gjitha masat e nevojshme”, tha Nihad Ozdemir, president i Federatës së Futbollit të Turqisë.