Derbi Drita-Gjilani zhvillohet në ditën e Pavarësisë

Superliga e Kosovës kthehet këtë fundjavë me derbin gjilanas, që luhet më 17 shkurt.

Pjesa e dytë e sezonit në Superligën e Kosovës në futboll do të nisë këtë fundjavë.

Dhe, menjëherë do ta kemi një derbi.

Bëhet fjalë për derbin më të madh në Kosovë, atë në mes të Dritës dhe Gjilanit, e cila do të zhvillohet të dielën, më 17 shkurt, në ditën e Pavarësisë së Kosovës.

Kjo ndeshje do të fillojë në orën 13:30.

Drita duhet ta gjejë shpejt trajnerin e ri pasi sot u nda me trajnerin Shpëtim Duro.

Përballja në mes të dy ekipeve gjilanase ka qenë gjithmonë e zjarrtë dhe tifozët e këtyre skuadrave, “Intelektualët” dhe “Skifterat” gjithmonë krijojnë atmosferë të jashtëzakonshme në tribuna.