Deputeti i LVV-së: Angazhimi im politik ka kuptim vetëm kur del kundër të drejtave të komunitetit LGBT+

Deputeti i LVV-së, Eman Rrahmani beson se angazhimi i tij politik ka kuptim vetëm kur ai del kundër të drejtave të anëtarëve të komunitetit LGBT+.

Rrahmani propozoi që Kodi i ri Civil i cili do t’i hapte rrugë martesave mes personave të së njëjtës gjini të mos hedhet në votim sot.

“E kisha lutë ministren e Drejtësisë shumë sinqerisht që ta tërheq këtë projektkod sot, t’i largojë këto dy pika dhe të vije pa këto dy pika”, tha ai.

Duke konkluduar se shumë deputetë janë kundër, Rrahmani propozoi që çështja e të drejtave të komunitetit LGBT+ të trajtohet më vonë në një ligj të veçantë, kur edhe atëherë, ai do të jetë kundër.

“Unë edhe atëherë do të jem kundër… Kjo nuk ka të bëjë me vullnetin tim, me angazhimin tim politik, me atë për çfarë jam unë këtu”, tha ai.