Deputeti i LDK-së, Krenar Xhaferi, teksa ka hyrë në ndërtesën e Kuvendit të Kosovës për të marrë pjesë në seancën e sotme, ka thënë se duhet të lihen inatet politike anash dhe të procedohet me konstituimin e Kuvendit të Kosovës.

“S’është në dorën tonë të krijojmë situata të tjera. Edhe presidentja e tha që këto seanca janë antikushtetuese, sepse po tentohet të imponohet rendi i ditës”, ka thënë Xhaferi.

Ai ka thënë se kryesuesi Avni Dehari është i instrumentalizuar nga LVV dhe se duhet të lihen anash inatet politike dhe të arrihet marrëveshje politike për të dalë nga situata.