Dënohen tre persona për kanosje ndaj dy gazetarëve në Prizren që raportonin për rrënimin e “Abi Çarshia”
Gjykata Themelore e Prizrenit ka gjobitur tre persona në Prizren E.F, G.P dhe D.K për kanosje ndaj gazetarëve të TV Besa dhe të TV Prizreni.
Të akuzuarin me iniciale E.F, gjykata e ka shpallur fajtor dhe e ka dënuar me gjobë me 900 euro pasi në parkingun e qendrës tregtare “Abi Çarshia” e kishte kanosur gazetarin GJ.F pasi ishte duke incizuar aksionin e Inspektoratit Komunal të Ndërtimtarisë për rrënimin e një pjese të qendrës tregtare të lartcekur, njofton Klan Kosova.
E.F është djali i pronarit të “Abi Çarshia” dhe ishte munduar që të mos e lejojë gazetarin të merr pamje.
Ndërkaq, të akuzuarin me iniciale G.P, gjykata e ka shpallë fajtor dhe e ka dënuar me dënimin me gjobë në shumën prej 400 euro pasi ka kanosur gazetarin e TV Prizrenit N.XH për të njëjtën arsye.
Të akuzuarin me iniciale D.K gjykata e ka shpallur fajtor dhe e ka dënuar me dënimin me gjobë prej 500 eurosh pasi e kishte kërcënuar gazetarin e TV Prizrenit me jetë
Ngjarja ka ndodhur me datën 19.07.2019.
