Delta Air Lines do t’ua marrë punonjësve nga 200 dollarë në muaj me planin shëndetësor të kompanisë, nëse ata dështojnë të vaksinohen kundër COVID-19, raporton agjencia AP.

Shefat ekzekutivë të kompanisë kanë thënë se kjo është e nevojshme pasi kostoja mesatare e qëndrimit në spital për virusin po i kushton kompanisë rreth 40 mijë dollarë.

Shefi ekzekutiv Ed Bastian ka thënë se të gjithë punonjësit që janë hosptailizuar shkaku i virusit në javët e fundit, nuk ishin plotësisht të vaksinuar.

Kompania ka thënë të mërkurën se do të ndalojë pagat e mbrojtjes për punonjësit e pavaksinuar që janë infektuar me COVID-19 nga 30 shtator, dhe do të kërkojë që punonjësit e pavaksinuar të testohen çdo javë nga 12 shtatori, ndonëse Delta do të mbulojë koston. Ata do të duhet të mbajnë masat në gjitha ambientet e mbyllura të kompanisë.

Delta nuk e ka ndjekur rrugën e United Airlines, që u ka thënë punonjësve që duhet të nisin të vaksinohen nga 27 shtatori apo të përballen me largim nga puna. Mirëpo, duke u kërkuar punonjësve të pavaksinuar nga 200 dollarë çdo muaj, duke filluar nga nëntori, mund të ketë efekt të njëjtë.

“Kjo shumë është e nevojshme për t’iu adresuar vendimit me rrezik financiar për t’u mos vaksinuar”, u ka thënë Bastian punonjësve.