Deputeti i LDK-së

“Del thotë e gjeta një provë” – Selmanaj thotë se Sveçla rrezikon ta pengojë procesin hetimor për sulmin në Banjskë

Deputeti i LDK-së, Driton Selmanaj, ka thënë se është i befasuar me zgjatjen e hetimeve për agresionin në Banjskë.

Selmanaj u shpreh i befasuar edhe me faktorin ndërkombëtar, pasi siç tha, ka pritur një angazhim më të madh për adresimin e këtij problemi.

Ai kritikoi edhe prezantimin e provave të grupit terrorist nga ministri i Punëve të Brendshme, Xhelal Sveçla, pasi tha se ai e ka marrë rolin e hetuesit.

“Jam krejtësisht kundër që ministri i Brendshëm, Xhelal Sveçla, e ka marrë rolin e hetuesit. Del e thotë ‘e gjeta një provë’. Kjo është skandaloze sepse nuk është punë e politikës të zbulojë prova, është punë e hetuesisë”, tha ai në Klan Kosova.

“Rreziku është që t’i pengojë provat, e pengon procesin hetimor nëse i zbulon ato. Aty është një proces hetimor i njerëzve profesionalë”, tha Selmanaj.