De Rossi mbetet te Boca Juniors deri në vitin 2021?
Ish mesfushori i Romës Daniele De Rossi thuhet se ka pranuar të zgjasë qëndrimin e tij me Boca Juniors deri në vitin 2021.
Më parë u raportua se gjithçka varej nga ajo nëse Nicolas Burdisso do të qëndronte apo jo si drejtor sportiv te Boca.
Klubi po zhvillon gjithashtu zgjedhjet presidenciale në dhjetor, por “Ole” shkruan se De Rossi tashmë është angazhuar për nënshkrimin e një kontrate të re, duke rinovuar deri në mars 2021.
36-vjeçari u bashkua me gjigantët argjentinas nga Roma gjatë verës, por dëmtimet nuk e kanë lënë rehat duke u paraqitur vetëm pesë herë.
Sidoqoftë, ai tani duket se nuk ka gjasa të kthehet në ekipin e tij para vitit të ardhshëm.
