Daut Haradinaj: S’mundet kush me ta marrë nderin, lavdinë e familjes Çeku
Pas njoftimit se ish komandanti Suprem i UÇK-së, Agim Çeku është ftuar nga Gjykata Speciale për intervistë në cilësinë e të dyshuarit, ka reaguar shefi i Grupit Parlamentar të AAK-së, Daut Haradinaj.
“S’mundet kush me t’a marrë nderin, lavdinë e familjes Çeku veç e madhështon kjo betejë e lehtë e jotja”, ka shkruar Haradinaj.
Ish-kryeministri i Kosovës, Agim Çeku është ftuar për intervistim nga ana e Gjykatës Speciale.
Çeku është ftuar në cilësinë e të dyshuarit.
Lajmin e ka konfirmuar vetë Çeku, i cili ka thënë se me datën 28 shtator do të paraqitet në Gjykatë.
“Po jam ftuar për intervistim në cilësinë e të dyshuarit. Ftesën e kamë marrë dje, ndërkaq me datë 28 shtator do të paraqitem në Gjykatë”, ka thënë Çeku.
Para disa muajve nga prokurorët e Speciales është intervistuar edhe presidenti Hashim Thaçi, pasi më datë 24 qershor 2020, Zyra e Prokurorit të Specializuar njofoi se Presidenti i Kosovës, Hashim Thaçi dhe kryetari i PDK-së, Kadri Veseli janë dy të akuzuarit e parë që do të paraqiten në Gjykatën Speciale në Hagë.