FOTO
Dalin fotografitë e veturës së djegur të policit në pjesën veriore të Mitrovicës
etura e një polici hetues të Policisë së Kosovës, i nacionalitetit serb, është djegur në Mitrovicën e Veriut.
Zëvendësdrejtori i Policisë së Kosovës për rajonin e veriut, Veton Elshani tha se ngjarja ka ndodhur sot rreth orës 05:00.
Nuk u raportua për dëme të tjera përveçse vetura “Dacia” me targa serbe u dogj tërësisht. Ajo ishte pronë e një polici hetues serb.
Njësitet e zjarrfikësve dolën menjëherë në vendin e ngjarjes.
Elshani thotë se Policia po punon për t’i zbuluar rrethanat e kësaj ngjarjeje.
Mediumi në gjuhën serbe “KoSSev” ka publikuar fotografitë nga vendi i ngjarjes.
VIDEO BONUS:
