City është lider i ri i Premier Leagues
Manchester City ka shënuar fitore në udhëtim te Watfordit me rezultatin 3:1.
Pas kësaj fitoreje, skuadra e drejtuar nga Pep Guardiola ka marrë pozitën e parë në Premier League me 35 pikë.
Në pjesën e parë kampioni në fuqi shënoi dy gola. Raheem Sterling realizoi në minutën e katërt për 1:0.
Në minutën e 31-të shënoi Bernardo Silva për 2:0. Në pjesën e dytë ishte sërish anësori portugez Silva që realizoi për Cityn për 3:0.
Deri në fund vendasit arritën ta ngushtonin rezultatin në 3:1 me golin e shënuar nga Cucho.
