Premierligë

Chelsea fantastik, fiton derbin dhe ia shkakton Cityt humbjen e parë në ligë

Chelsea e ka mundur 2-0 Manchester Cityn të shtunën në Londër në derbin e javës në kampionatin anglez, duke ia ndërprerë ecurinë e përkryer pa humbje këtë sezon në Premierligë.

Skuadra e Pep Guardiolës vinte nga një ecuri prej 13 fitoreve, 2 barazimeve dhe asnjë humbjeje dhe me synim që ta ruajë këtë rekord të paprekur edhe në derbi ndaj Chelseat. Megjithatë, Maurizio Sarrit mendoi ndryshe duke reaguar në mënyrë të përkryer ndaj humbjes kundër Wolves në mesjavë.

Chelsea e harroi humbjen befasuese ndaj Wolves duke u bërë skuadra parë që e mposht Manchester Cityn këtë sezon në Premierligë.

Si pasojë, Liverpooli tani mbetet skuadra e vetme pa asnjë humbje në ligën elitare angleze dhe lider në të njëjtën kohë.