Çështja “Filipoviq”, Muja i kapet Lajçakut: Është mirë të mos kërkojë mes midis krimit dhe ligjit
Deputeti i Lëvizjes Vetëvendosje, Armend Muja është i radhës nga ky subjekt politik që ka replikuar me zyrtarët e lartë të Bashkimit Evropian. Ai kësaj radhe e kishte me emisarin special për dialogun, Miroslav Lajçak.
Referuar një artikulli që sinjalizon një takim të Aleksandër Filipoviq një i integruar në policinë e Kosovës i cili kishte mbajtur një takim me presidentin e Serbisë, Aleksandër Vuçiq, shkruan Paparaci.com.
Muja në postimin e tij në Facebook thotë se Filipoviq është pjesë e strukturave ilegale të Serbisë në veriun e Kosovës që punon me dirixhenca të Beogradit.
“Andaj, Lajçaku është mirë të mos kërkoj mes mes krimit dhe ligjit. Mes ilegalitetit e legalitetit. Mes institucioneve shtetërore e strukturave ilegale.”, ka shkruar Muja.
Ky është postimi i tij i plotë:
Personi në lajmin më poshtë është Aleksandar Filipović, një nga shumë personat pjesë të strukturave paralele që dirixhohen nga Beogradi.
Andaj, Lajçaku është mirë të mos kërkoj mes mes krimit dhe ligjit. Mes ilegalitetit e legalitetit. Mes institucioneve shtetërore e strukturave ilegale.
Ai para se të gjithash duhet të ishte i shqetësuar me shkeljen direkte të marrëveshjes së Brukselit me këso veprimesh nga Beogradi.
Në veri shqetësim është kriminaliteti i dirixhuar nga Serbia e Vuçiqi, asgjë tjetër.
