Burri nga Suhareka e rrah gruan

Policia e Kosovës ka njoftuar përmes raportit 24-orësh se kanë arrestuar në Suharekë një person, pasi që i njëjti e ka sulmuar fizikisht gruan e tij.

E njejta nuk raportohet të jetë lënduar. I dyshuari me vendim të prokurorit pas intervistimit është dërguar në mbajtje.

“Është arrestuar i dyshuari mashkull K/Shqiptar, pasi që i njëjti ka kanosur dhe ka sulmuar fizikisht bashkëshorten e tij viktimën femër K/Shqiptare. Nuk raportohet për të lënduar. Me vendim të prokurorit i dyshuari pas intervistimit është dërguar në mbajtje”, thuhet në raportin 24 orësh të policisë.