Një i armatosur vrau 9 persona në një qendër tregtare në Teksas

Një person i armatosur dhe i veshur ushtarakisht hyri në një qendër tregtare në Allen dhe filloi të qëllonte të pranishmit pa asnjë lloj motivi. 9 persona humbën jetën, mes të cilëve dhe fëmijë, ndërsa 7 të tjerë mbetën të plagosur.

Policia arriti të ndërhynte me shpejtësi dhe arriti të ekzekutonte në vendngjarje autorin, i cili kishte zgjedhur pikërisht një nga zonat më të frekuentuara të qytetit për të realizuar masakrën e radhës në SHBA.

Sipas autoriteteve në qendrën tregtare janë dëgjuar 20-60 të shtëna, teksa paniku kaploi të gjithë të pranishmit të cilët në kaos vrapuan për të shpëtuar kokën.