Kandidati për kryetar të Komunës së Lipjanit nga radhët e PDK-së, Shukri Buja ka vizituar kompaninë e fuqishme të ndërtimit M.Gashi ShPK, që po punon në në Kompleksin Grand Tower, Prishtina e Re.

Buja ka thënë se ky biznes është shembull i zhvillimit në vendin tonë. Me punësimin e një numri të madh punëtorësh nga Lipjani, ai siguron jo vetëm vende pune, por edhe mirëqenien e shumë familjeve lipjanase

Postimi i plotë:

Sot, së bashku me Mustaf Gashin, pronari i kompanisë M.Gashi ShPK, pronarin e një prej kompanive më të mëdha të ndërtimit në Lipjan e Kosovë, vizituam vendpunishtet ku po krijohet zhvillimi i së ardhmes në Kompleksin Grand Tower, Prishtina e Re. Ky biznes është shembull i zhvillimit në vendin tonë. Me punësimin e një numri të madh punëtorësh nga Lipjani, ai siguron jo vetëm vende pune, por edhe mirëqenien e shumë familjeve lipjanase.

Si Kryetar i ardhshëm i Lipjanit, kam një zotim të qartë: hartat zonale do të rishikohen në konsultim të hapur me sektorin privat; nuk do të ketë ndërhyrje politike në punën e sektorit; do të fuqizohet stafi profesional komunal për t’i shërbyer më mirë palëve.

Por mbi të gjitha ndërtimi në Lipjan do të zhvillohet dhe do të rriten standardet, do të promovohen të drejtat e punëtorëve në këtë sektor, sidomos siguria dhe shëndeti në punë, si dhe do të kërkojmë banim të përballueshëm dhe të qëndrueshëm për qytetarët tanë.

Ky është ndryshimi që e meritojnë punëtorët, bizneset, si dhe çdo qytetar i komunës sonë.

Fitorja është e jona!