logopedia
Brenda një muaji në Kosovë, në shërbimin e Logopedisë trajtohen 480 fëmijë
Në Shërbimin e Logopedisë, i cili vepron në kuadër të Klinikës së Otorinolaringologjisë, të Qendrës Klinike dhe Universitare të Kosovës, brenda muajit trajtohen 480 fëmijë nga logopedët.
Për t’u informuar për kushtet e punës, trajtimin e fëmijëve dhe punën që bëhet në këtë shërbim, të premten në vizitë ishin, mjeku Ardian Shefkiu nga ShSKUK dhe drejtori i QKUK-së, Osman Hajdari, përcjell Klankosova.tv.
Në takim me shefen e këtij shërbimi, Zahide Raci, dhe logopeden Rudina Fetahaj, ata u informuan për punën profesionale dhe nevojën e zgjerimit të këtij shërbimi me hapësirë dhe staf profesional, por edhe për trajnime profesionale.
Gjatë vizitës, menaxhmenti kërkoj që shefja e shërbimit në bashkëpunim me logopedët të bëjnë një plan konkret, në të cilin do të shpjegojnë nevojat për investime dhe shtim të stafit profesional.
