Brenda 7 muajsh, 2569 kosovarë hoqën dorë nga nënshtetësia
Numër i madh i qytetarëve të Kosovës që jetojnë në vendet e huaja kanë aplikuar për heqje të nënshtetësisë kosovare. Edhe vitin e kaluar ishte një numër i madh i tyre që hoqën dorë nga nënshtetësia e Kosovës.
Sipas të dhënave të Ministrisë së Punëve të Brendshme vetëm për këta shtatë muaj, 2 mijë e 569 qytetarë kanë aplikuar për heqje të nënshtetësisë.
Ndërsa, vitin e kaluar 5 mijë e 481 persona hoqën dorë nga nënshtetësia kosovare. Përveç këtyre, ka edhe të huaj që janë të interesuar të pajisen me nënshtetësi të Kosovës.
Sipas këtyre statistikave, nga 1 janari deri me 31 korrik, kanë kërkuar të pajisen me nënshtetësi të Kosovës 305 persona. Ndërsa, në vitin e kaluar 638 persona, të cilët vinë kryesisht nga shtetet fqinjë.
Ndërsa, pjesa dërmuese e atyre që kërkojnë të heqin dorë nga nënshtetësia kosovarë janë nga Gjermania, por ka edhe nga Austria e Sllovenia.
