Bosnja fton të gjithë ata që e mbrojtën në luftë të mos udhëtojnë në Serbi
Ministria e Punëve të Jashtme e Bosnjë-Hercegovinës u ka bërë apel të gjithë qytetarëve që në një formë ishin të përfshirë në mbrojtjen e saj gjatë luftës në këtë vend (1992-1995), të mos udhëtojnë në Serbi deri në një njoftim tjetër, shkruan portali Klix.ba.
Sipas kësaj ministrie, ekziston rreziku u arrestimit të tyre nga autoritetet e Serbisë.
Kjo thirrje vjen dy ditë pasi në Serbi u arrestua ish-zyrtari i lartë i Shërbimit Federal të Policisë së Bosnjës, Edin Vranj, nën akuzën për kryerjen e krimeve të luftës.
Kjo nxiti tensione të mëdha mes dy vendeve, saqë Bosnja tërhoqi për konsultime ambasadoren në Beograd, Aida Smajjiq.
