Boris Tadiq për deputetët e rinj të Listës Serbe: Deputetët e Vuçiqit u betuan për ta mbrojtur Kosovën e pavarur
Kë po çmendin më shumë këta përfaqësues të Vuçiqit, ka shkruar në Tëitter Boris Tadiq, kryetar i SDS-së dhe ish-president i Serbisë, duke reaguar ndaj lëvizjes së anëtarëve të Listës Serbe të cilët sot janë kthyer në Kuvendin e Kosovës dhe kanë bërë betimin.
“Lista serbe u largua nga parlamenti i Kosovës, për t’u kthyer sot në të dhe për t’u betuar se do ta mbrojë integritetin territorial të Kosovës së pavarur! Dhe ata ende e quajnë atë një lëvizje strategjike. Kush po çmenden më këta përfaqësuesit e Vuçiqit?!”, ka pyetur Tadiq.
Ai shtoi: “Përveç betimit për ruajtjen e tërësisë territoriale të Kosovës së pavarur, “lëvizja strategjike” e tyre është edhe sot një sulm i keq ndaj Rada Trajkoviqit sipas të njëjtit model në të cilin sulmuan Oliverin! Pse hesht opozita për këtë?!”
Kujtojmë se deputetët e rinj në Kuvendin e Kosovës nga radhët e Listës Serbe sot kanë ardhur pa paralajmërim dhe kanë dhënë betimin.
Janë dhjetë kandidatë të propozuar nga KQZ-ja, gjegjësisht ish-deputeti Slavko Simiq zëvendësohet nga Milan Kostiq nga Lista Serbe, Igor Simiq – Zoran Maksimoviq nga SL, Miljana Nikoliq – Olivera Zdravkoviq nga SL, Zoran Mojsiloviq – Milan Joksimoviq nga SL. , Verica Çeraniq – Ksenija Bozhoviq nga SL.
Deputeti Branislav Nikoliq zëvendësohet nga Radosh Mihajloviq, Millosh Peroviq – Nenad Radenkoviq, Ljubinka Karaxhiq – Svetislav Jokiq, Jasmina Dediq – Biljana Maksiq.
Ish-deputetja Dragana Antonijeviq është zëvendësuar nga Cvetko Veljkoviq nga Iniciativa Qytetare Liri, Drejtësi, Mbijetesë.
Pas betimit, deputetët serbë u larguan nga Kuvendi dhe më pas në sallë erdhi kryeministri i Kosovës, Albin Kurti.
