Presidenti amerikan Donald Trump do të zhvillojë takime të rëndësishme me ndihmësit e tij më të afërt sot dhe nesër në lidhje me përfshirjen e mundshme të SHBA-së në sulmet ndaj objekteve bërthamore iraniane.

Presidenti amerikan ka thënë më parë se do të jap dy javë për negociatat e mundshme me iranianët. Ndërkohë, nëse diplomacia dështon, edhe amerikanët po përgatiten për sulme në territorin iranian, transmeton Ballkani.info.

Këtë e dëshmojnë njoftimet e mëparshme për zhvendosjen e bombarduesve B-2 në bazën e Guam-it në Paqësor, të cilët janë pikërisht avionët që përdorin të ashtuquajturat bomba bunkeri që, teorikisht, mund të dëmtojnë objektin kryesor bërthamor të Iranit, Fordow.

Orari i fundjavës së Shtëpisë së Bardhë njoftoi se Trump do të kthehet nga Nju Xhersi dhe do të takohet me ekipin e tij të sigurisë kombëtare në orën 18:00. koha lokale. Një takim i ngjashëm do të mbahet edhe të dielën.

“Trump është i ndarë mes mundësisë për të kryer atë që mund të jetë një goditje shkatërruese në objektet bërthamore të Iranit në një kohë kur mbrojtja e Iranit është dobësuar ndjeshëm dhe shqetësimeve se duke vepruar kështu do të rrezikonte llojin e angazhimit të zgjatur ushtarak të SHBA-së në rajon që ai argumentoi kundër në 2016 dhe 2024. Ky debat ka ndarë gjithashtu mbështetjen e tij”, shkruan New York Time

Trump gjithashtu ka theksuar më parë se mund të mos ketë nevojë për veprime të SHBA-së në objektet bërthamore të Iranit dhe ka përsëritur se ai po lë më shumë hapësirë ​​për një marrëveshje të mundshme diplomatike. /Ballkani.info/