Blerim Latifi: Deklarata e Limajt ishte skandaloze, kërkoi nga Kurti të mos lexoj shumë
Analisti Blerim Latifi ka thënë në emisionin Pressing në T7 se shumica e fjalimeve nga deputetët e opozitës në foltore e Kuvendit dje ishin jashtë realitetit politik dhe kërkoi që qasja e opozitës duhet të ndryshojë.
“Deklarata e Limajt ishte skandaloze, kërkoi nga Kurti të mos lexonte shumë”, tha Latifi.
“Si mund të kërkosh këtë. Kjo i shtohet asaj dogmës së vjetër që qëndron në disa fshatra ku thonë ‘mos lexo shumë’, është skandaloze”
Tutje Latifi komentoi edhe deklaratat e eksponentëve tjerë opozitarë.
“Demaliaj ishte skandaloz në fjalimin e tij, ndërsa Haxhi Shala përveç se nuk arriti të lexoj mirë, tri herë provoi të shqiptojë fjalën absolut dhe dështoi. Veseli ishte më konstruktiv dhe akuzoi Kurtin në tema të cilat i ka mbrojtur sikur flamuri, protestat, Gjykata Speciale. Por gjithsesi, këto debate vetëm i bëjnë nder VV’së sepse në këso debate kanë pikat e forta, duhet të ndryshojë qasja e opozitës”.
