Bie në kontakt me rrymën elektrike, humb jetën i riu në Tiranë

Një ngjarje e rëndë është shënuar mesditën e sotme në Rrugën e Elbasanit në Tiranë, ku ka humbur jetën një i ri.

Sipas njoftimit të bërë nga policia mësohet se një 27-vjeçar duke punuar në një lokal ka rënë në kontakt me rrymën elektrike dhe për pasojë ka humbur jetën në spital.

“Më datë 11.09.2021, rreth orës 12:45, në Rrugën e Elbasanit, dyshohet se duke punuar në një lokal ka rënë kontakt me rrymën elektrike dhe për pasojë ka humbur jetën në spital shtetasi G. B., 27 vjeç”, thuhet në njoftimin e bërë nga policia.

Grupi hetimor po punon për sqarimin e rrethanave dhe dokumentimin e plotë të ngjarjes.