SHBA
Biden nënshkruan masën e ndihmës prej 95 miliardë dollarësh për Ukrainën, Izraelin dhe Tajvanin
Pas muajsh vonesash, presidenti amerikan Joe Biden nënshkroi këtë pasdite një projekt-ligj që sjell 95 miliardë dollarë ndihmë për luftën për Ukrainën, Izraelin dhe Tajvanin.
Presidenti i SHBA-së, Joe Biden nënshkroi të mërkurën në ligj një masë ndihme lufte prej 95 miliardë dollarësh që përfshin ndihmë për Ukrainën, Izraelin dhe Tajvanin dhe që gjithashtu ka një dispozitë që do të detyronte faqen e mediave sociale TikTok të shitet ose të ndalohet në SHBA.
Njoftimi shënon fundin e betejës së gjatë dhe të dhimbshme me republikanët në Kongres mbi ndihmën e nevojshme urgjente për Ukrainën.
“Ne u ngritëm në këtë moment. U bëmë bashkë dhe ia arritëm”, tha Biden në ngjarjen e Shtëpisë së Bardhë për të shpallur nënshkrimin. “Tani ne duhet të ecim shpejt, dhe ne jemi duke ecur”.
Biden nënshkroi gjithashtu një paketë ndihme fillestare të ndihmës ushtarake dhe tha se dërgesa do të fillonte në “orët e ardhshme” – kësti i parë nga rreth 61 miliardë dollarë të ndarë për Ukrainën, sipas zyrtarëve amerikanë.
Ai pritet të përfshijë ndihmë në kapacitete të mbrojtjes ajrore, raunde të artilerisë , automjete të blinduara dhe armë të tjera për të mbështetur forcat ukrainase që kanë parë një rënie të moralit teksa rusët kanë arritur disa fitore.
Biden nënvizoi se projektligji përfshin gjithashtu një rritje të ndihmës humanitare për palestinezët në Gaza që vuajnë ndërsa lufta Izrael-Hamas vazhdon.
