Është betuar Komisionerja Parlamentare për Forcën e Sigurisë së Kosovës, Remzije Zeqiraj para deputetëve të Kuvendit të Kosovës.

Ajo është zgjedhur me mandat 5 vjeçar, teksa kishte fituar garën ndaj kandidatëve të tjerë Fadil Hadërgjonaj dhe Sami Hajrullahu.

“Betohem solemnisht se do t’i kryej me besnikëri dhe në mënyrë të paanshme detyrat dhe funksionet që më janë besuar me ligj. Se do të mbroj dhe avancoj respektimin e të drejtave dhe lirive të njeriut për rekrutët dhe kadetët ushtarakë të Forcës së Sigurisë së Kosovës. Betohem”, ka thënë Zeqiraj.