Benjamin Kololli vazhdon të impresionojë me fanellën e Sionit, duke shënuar golin e pestë të tij në Superligën e Zvicrës.
Në ndeshjen e javës së 28-të kundër Grasshopperit, Kololli shënoi në kohën shtesë të pjesës së parë duke i dhënë epërsinë Sionit.
Megjithatë, Grasshopperi nuk u dorëzua dhe arriti të barazojë në 1-1 në momentet e fundit të ndeshjes.
Kololli pas një paraqitje shumë të mirë u zëvendësua në minutën e 84-të, por nga SofaScore u vlerësua si lojtar i ndeshjes me notën 8.0.
Ai kishte katër goditje në portë, duke qëlluar madje edhe shtyllën, ndërsa kompletoi 84 për qind të pasimeve.
Ky ishte goli i pestë i Kolollit në dhjetë ndeshje prej se është bashkuar me Sionin nga Baseli.







