Bekim Haxhiu: A ju kërkoi falje Kurti djemve që vdiqën në protestat e tij?
Deputeti i Partisë Demokratike të Kosovës, Bekim Haxhiu, i njohur si ‘Kamishi’, në emisionin DPT te Fidani, ka thënë se Kurti ka ndryshuar parimet e tij dhe ka pyetur me ironi nëse Kurti ka kërkuar falje për vdekjen e djemve që vdiqën duke protestuar kundër Pakos së Ahtisarit.
“Çka me ju ba atyne djemve që e kanë kundërshtu Pakon e Ahtisarit dhe kanë vdekë në protesta. A ju ka kërkuar falje?”, ka pyetur Haxhiu.
“Sipas Kurtit, flamuri i Kosovës, himni, stema, janë të mira tash a?”, ka pyetur Haxhiu me ironi.
Tutje, Haxhiu tha se Kurti ka ndryshuar për karrige.
“Kurti i ka braktisur idealet për karrige, e kur e dimë që i braktisi idealet kombëtare për karrige, këto tjerat; korrupsion, nepotizëm, të jeni të bindur që as nuk do të merret me ato punë”, shtoi Haxhiu.