Behramaj: Vetëvendosje s’ka fuqi të organizojë protesta masive, me peticionin po blen kohë dhe po manipulon
Këshilltari i Thaçit, Adil Behramaj, ka thënë se Lëvizja Vetëvendosje është duke u ballafaquar me pafuqinë e saj për të organizuar protesta masive. Sipas tij, peticionin e kanë nisur sa për të fituar kohë dhe për të manipuluar me qytetarë të numërtuar, duke u krijuar mundësi militantëve që me qindra herë të regjistrohen, pa iu nënshtruar kurrfarë filtrave dhe me çfarëdo identitetesh që duan.
Behramaj ka thënë se kjo u duhet që pas mbylljes së peticionit më 30 qershor të mund të dalin me konstatime se mbi 50 për qind e “popullit të vetëdijshëm” po kërkon zgjedhje! “Lëvizja Vetëvendosje është duke u ballafaquar me pafuqinë e saj për të organizuar protesta masive. Peticionin e nisën sa për të fituar kohë dhe për të manipuluar me qytetarë të numërtuar, duke u krijuar mundësi militantëve që me qindra herë të regjistrohen, pa iu nënshtruar kurrfarë filtrave dhe me çfarëdo identitetesh që duan.
Kjo u duhet që pas mbylljes së peticionit më 30 qershor të mund të dalin me konstatime se mbi 50 për qind e “popullit të vetëdijshëm” po kërkon zgjedhje! As ndarja e popullit në të vetëdijshëm dhe të pavetëdijshëm nuk ishte e rastësishme.
Albin Kulti me filozofët oborrtarë është munduar gjithnjë të krijojë mite, sepse historikisht përdorimi i miteve i ka lëvizur vetëdijet shoqërore dhe masave ua ka shmangur konfrontimin me realitetin, që sundimtarët të mund t’i magjepsin dhe t’i kontrollojnë ato, duke ua imponuar botëkuptimet që duan! Nuk është i rastësishëm as përdorimi i shpeshtë i fjalës “popull” nga ana e tyre, sepse kështu e eliminojnë ndjenjën e individualitetit! Albin Kurti nuk i ka pranuar asnjëherë rregullat.
Ai gjithnjë kërkon që të tjerët t’i përshtaten numrave dhe rregullave që i krijon dhe këto në Lëvizjen Vetëvendosje trajtohen si më të rëndësishme se ligjet e shtetit. Ky nënshtrim glorifikohet si akt patriotik në mesin e tyre dhe jo respektimi i rendit juridik shtetëror!”, ka shkruar Behramaj.
