Zveçan
Bastiset një objekt në Zveçan, u gjetën thasë me rërë që përdoren për bllokim rrugësh
Policia e Kosovës sot është duke kryer një bastisje në Komunë të Zveçanit, ku në një objekt janë gjetur disa thasë të mbushura me rërë, të cilat në të kaluarën janë përdorë si istikame (llogore) në barrikadat në Rudar dhe në hyrje të Zveçanit.
Kështu tha zëvendësdrejtori i Policisë së Kosovës për veriun e Mitrovicës, Veton Elshani.
Ai tha se sipas informacioneve që kanë pasur këto istikima mund të përdoreshin sërish në të ardhmen.
“Kemi pasur informacione dhe kemi pranuar sërish informacione se në një objekt mund të ketë thasë të mbushur me zallë që janë përdorur në të kaluarën si istikame (llogore) në barrikadat në Rudar dhe te hyrja në Zveçan. Janë tërheqë këta thasë dhe kemi pasur informacion se të njëjtat mund të përdoreshin sërish në të ardhmen”, tha Elshani.
Ai tutje theksoi se bastisja ende nuk ka përfunduar.
VIDEO BONUS: Momenti kur daja thote se u kry marshi por i njejti vazhdoi deri te vendi ku nisi
