Nga protesta e banorëve të Astirit në Tiranë, lideri i demokratëve Lulzim basha i ka bërë thirrje qytetarëve që nesër t’i bashkohen protestës së studentëve përpara kuvendit, si e vetmja mënyrë për të rrëzuar nga pushteti kryeministrin Edi Rama.
Basha ka folur për nisjen e një rezistence kundër pushtetit të të majtëve, rezistencë e cila duhet të nisë që nga nesër në ambientet përballë kuvendit.
“E patë si ishte katandisur sot Edi Rama në Vlorë. E ka kuptuar se askush nuk ia blen më gënjeshtrat. Nuk e beson më askush. Kanë vendosur të mos negociojnë sepse e kanë kuptuar se ky o do përpiqet t’i blejë negociatorët ose do i mashtrojë. 60 mln euro është afera Veliaj-Bego. 200 familje të nxirren në rrugë që të pastroheshin 60 mln euro të drogës e krimit. Shteti ka rënë, gjykata kushtetuese ka rënë, prokuroria ka rënë. E vetmja rrugë është ajo e përballjes. Iu bëj thirrje qytetarëve të bashkohen nesër me studentët masivisht para Kuvendit, të nisim nga nesër rezistencën”, deklaroi Basha.
Më herët PD publikoi disa fakte që sipas saj tregojnë fare qartë se kryetari i Bashkisë së Tiranës së bashku me biznesmenin Edmond Bego kanë ndryshuar planin urbanistik të kryeqytetit në mënyrë që të ndërtojnë në zonën e Astirit një kompleks të madh pallatesh.
https://www.facebook.com/lulzimbasha.al/videos/2275558352666964/?t=0







