Banesa të dëmtuara, banorë jashtë shtëpive: Dëmet që shkaktoi termeti 5.7-shkallësh në Rumani

Një tërmet me magnitudë 5.7 të shkallës Rihter ka goditur pjesën jugore të Rumanisë pasditen e së martës. Tërmeti ka goditur në thellësi prej 40 kilometrash, lëkundje këto të cilat janë dëgjuar edhe në disa zona të Kosovës.

Tërmeti i së martës shkaktoi panik te banorët e zonës Târgu Jiu. Ata u larguan nga blloqet dhe dolën në rrugë, raportojnë mediat rumune, përcjell Demokracia.com.

Ndërtesa e bashkisë në Târgu Jiu u dëmtua lehtë, pasi u shkëputën tullat dhe ranë në një zonë ku kishte disa vetura.

Sipas të dhënave të autoriteteve rumune, tërmeti ka ndodhur 10 km në jug të atij që ka ndodhur të hënën në të njëjtën zonë.