Ballkani sonte në “Fadil Vokrri” synon fitoren e dytë në Ligën e Konferencës, luan me Sivassporin
Ballkani do ta zhvillojë sonte ndeshjen e radhës në fazën e grupeve të Ligës së Konferencës.
Skuadra e Ilir Dajës do të jetë nikoqire e Sivassporit sonte në kuadër të grupit G, shkruan Demokracia.com.
Ndeshja është e vlefshme për rrethin e katërt të fazës së grupeve dhe luhet në stadiumin “Fadil Vokrri” nga ora 21:00.
Ballkani vjen në këtë ndeshje pas fitores dramatike 3:4 pikërisht ndaj Sivassporit në Turqi javën e kaluar.
Pas tri ndeshjeve, Ballkani është lider në grupin G me katër pikë.
Po aq pikë kanë edhe Sivasspori, Cluji dhe Slavia Praga në këtë grup.
