Ballkani ia beson Bekim Isufit postin e trajnerit
Ballkani është bërë me trajner të ri.
Klubi therandas ia ka besuar Bekim Isufit postin e trajnerit.
“Portokallinjtë” e zyrtarizuan trajnerin gjilanas përmes një njoftimi në rrjetet sociale.
Ata besojnë se me Isufin do të jenë të suksesshëm në sezonin e ardhshëm.
Pas largimit të Ismet Munishit, ekipin e kishte marrë në dorë trajneri Bledi Shkëmbi.
Ndërsa, në xhirot e fundit, ekipin therandas e kishte udhëhequr përkohësisht Ardian Basha.
Ballkani përfundoi në pozitën e tretë në Superligën e futbollit me ç’rast mbeti pa u kualifikuar në garat evropiane.
Ky ishte tentimi i dytë i ekipit nga Suhareka për ta fituar titullin dhe për të dalë në Evropë, por nuk ia doli.
Sezonin e ardhshëm Ballkani synon të jetë protagonist në futbollin kosovar dhe më në fund të stoliset me titull dhe ta shijojë aromën e garave evropiane. /Gazeta Express/
