Avokati Tomë Gashi bënë kallëzim penal ndaj Vuçiqit për mohimin e masakrës së Reçakut
Avokati Tomë Gashi, i cili është përfaqësues juridik i viktimave të Masakrës së Reçakut, ka bërë një kallëzim penal në Prokurorinë Speciale të Kosovës kundrejt Presidentit të Serbisë, Aleksandar Vuqiç.
“Më 05.12.2019 në cilësinë e Presidentit të Republikës së Serbisë, Aleksandar Vuçiq me dashje ka nxitur dhe ka përhaur publikisht urrejtje, përqarje në mes të serbëve dhe shqiptarëve që jetojnë në Republikën e Kosovës” ka shkruar Gashi në padinë e ngritur ndaj Vuçiqit.
