Lubomir Pantoviq, avokati i ish-pjesëtarit të Policisë së Kosovës Dejan Pantiq, arrestimi i të cilit u bë shkak që serbët të vendosin barrikada në veri të Kosovës 13 ditë më parë, tha për N1 se kishte folur me Pantiqin në telefon, se ndihej mirë, tha se me të po sillen mirë me të, nuk ka ankesa, “përveç se i vura re nervozizmin sepse ka 13 ditë në një kontejner, në një hapësirë ​​të ngushtë pa mundësi të dalë në ajër të freskët dhe të komunikojë me avokatin dhe familjen”.

Ai shtoi se ishte në Gjykatën Themelore në Prishtinë, e cila caktoi paraburgimin e Pantiqit, ku ai kishte paraqitur një kërkesë me shkrim që t’i lejohet ta vizitojnë avokati dhe familja e tij, si dhe t’i sigurohet së paku një bisedë telefonike, dhe kjo kërkesë i ishte miratuar.

Sipas Pantoviqit, Pantiq ka konfirmuar se ka gjithçka që i nevojitet, si dhe të gjithë terapinë e nevojshme.

“Shpresoj se ai së shpejti do të jetë në një objekt normal të paraburgimit dhe se vetë paraburgimi do të shfuqizohet shumë shpejt, sepse nuk ka pasur arsye ligjore për ta caktuar paraburgimin”, thekson Pantoviq.

Ai konfirmoi se Pantiq ndodhet në një bazë ushtarake afër Jarinjës.

“Qëndrimi i tij atje nuk është i ligjshëm, sepse sipas Ligjit të Kosovës për Procedurë Penale, paraburgimi bëhet në objektet e paraburgimit, asnjëherë jashtë atij vendi”. Autoritetet e Kosovës e arsyetojnë këtë me gjendjen emergjente të shkaktuar nga barrikadat, gjegjësisht barrikadat janë fajtorë që Pantiqi nuk mund të jetë në paraburgim”, tha Pantoviq.

Këto deklarata të avokatit i demtojnë krerët e shtetit serb se Pantiq nuk ka kushte themelore për jetesë dhe po torturohet. /Ballkani.info/