Ish-kryetari i LDK-së, Isa Mustafa ka reaguar pas deklaratave lidhur me Asociacionin e komunave me shumicë serbe.
Reagimi i Mustafës ka ardhur pasi që sot LDK-ja deklaroi se ka frikë që Qeveria Kurti do ta pranojë këtë Asociacion, ndërkaq nga LVV-ja deklaruan se këto deklarata po bëhen pikërisht nga ata që dikur vetë e nënshkruan këtë marrëveshje.
Mustafa përmes një reagimi në Facebook ka shkruar se “Në kohën kur është nënshkruar Marrëveshja e Parë në Bruksel dhe është ratifikuar në Kuvend në Prishtinë, (e cila ka sanksionuar themelimin e Asociacionit), Isa Mustafa nuk ka qenë Kryeministër i Kosovës. Prandaj rrjedhimisht dezinformojnë dhe gënjejnë të gjithë ata që ma përshkruajnë mua Marrëveshjen për themelimin e Asociacionit”.
Mustafa më tej ka thënë se nuk ka dialoguar se e ka dashur Asociacionin, por ka dialoguar për zbatimin e Ligjin për ratifikimin e një marrëveshjeje ndërkombëtare në Kuvendin e shtetit tim.







