PZAP ka njoftuar qytetarët se ankesat në lidhje me parregullsitë në zgjedhje që dërgohen në Facebook, nuk do konsiderohen si ankesa, por ato duhet të dërgohen fizikisht në selinë e PZAP në Prishtinë.
Përmes një njoftimi, PZAP theksoi se formulari në lidhje me ankesat mund të shkarkohet në faqen e tyre zyrtare.
“Të nderuar qytetar ju informojmë se ankesat të cilat i keni dërguar përmes facebook-it të PZAP-it nuk do të konsiderohen si ankesa, ashtu që të gjitha këto ankesa dhe prova mund ti paraqitni në mënyrë fizike në selinë e PZAP-it në Prishtinë, në adresën Migjeni , ndërtesa e Ish Bankës së Lubjanës kati parë, duke e plotësuar formularin e ankesës (mund ta shkarkoni ne faqen zyrtare te PZAP-it ose ne letër te thjeshtë) duke përshkruar parregullsinë, duke bashkangjitur provat që provojnë parregullsinë dhe duke nënshkruar formularin e ankesës”, thuhet në njoftim.
Afati i paraqitjes për ankesa është 24 orë nga momenti i vërejtjes së parregullsisë.







