Dragomir Andjelkoviq

Analisti serb komenton rrëzimin e Qeverisë në Kosovë, tregon se përpjekja e kujt fshihet pas kësaj “loje”

Analisti politik serb, Dragomir Andjelkoviq i sheh ngjarjet e fundit në Kosovë me rrëzimin e Qeverisë dhe zgjedhjet e reja si “lojë” të drejtuar nga Prishtina, Bashkimi Evropian dhe Shtetet e Bashkuara kundër Serbisë, shkruan mediumi serb, “Alo”.

“Faktorët perëndimorë i lejojnë politikanët shqiptarë të bëjnë atë që duan. Unë mendoj se pas gjithçkaje qëndron përpjekja e Perëndimit për të “minuar” të gjitha marrëveshjet e arritura deri më tani me Serbinë. Disa marrëveshje, për të cilat Bashkimi Evropian ishte garantues, nuk u zbatuan kurrë nga shqiptarët”, tha Andjelkoviq.

Si veçanërisht paradoksal, ai veçon interpretimin nga BE-ja që Qeveria e Kosovës nuk është legjitime, por se ajo që ka bërë deri më tani është legjitime.

“Me fjalë të tjera, Qeveria aktuale në Prishtinë duhet të largohet, por gjithçka që ka bërë mbetet. Shqiptarët ende nuk kanë kapacitet për të realizuar diçka që pritet prej tyre e që është në favor të Serbisë, dhe Serbia duhet të vazhdojë të bëjë lëshime. Është një lojë e plotë e mashtrimit të interesave të Serbisë dhe Serbisë, në të cilën marrin pjesë Prishtina, BE-ja dhe SHBA-ja”, thotë Andjelkoviq.

Sipas tij, politikanët shqiptarë në Kosovë, duke u grindur dhe të përçarë, bien dakord vetëm për një gjë, “kryerjen e politikave antiserbe dhe separatiste”.

Siç thotë ai, ata e dinë që duan ta zgjedhin një “projekt të Shqipërisë së Madhe” me çdo kusht, por ata janë të ndarë në lidhje me atë se kush duhet të jetë në plan të parë.