“Amerika s’ka ushtarë më besnik në Ballkan se Ramush Haradinajn dhe këtë e din dhe e vlerëson”
Shefi i Grupit Parlamentar të AAK-së Daut Haradinaj edhe një herë ka numëruar arsyet se pse po refuzojnë heqjen e taksës 100 për qind ndaj produkteve serbe.
Thotë se Serbia nuk po ndryshon pikëpamjen ndaj Kosovës.
“Po shohim armatosje të Serbisë nga Rusia”, tha Haradinaj në emisionin ‘DPT te Fidani” në T7.
“Nuk po kërkojmë më shumë sesa ata që na kanë njohur më 17 shkurt”, tha Haradinaj duke arsyetuar kundërshtimin nga ana e SHBA’së për mbajtën e taksës.
“SHBA’të nuk duhet gënjyer por kuptojnë kur iu thoni të vërtetën”, shtoi ai.
“S’duhet hequr taksa pa na njohur Serbia”, tha Haradinaj.
Deputeti i AAK’së shprehet i habitur me qëndrimin e kryeministrit Albin Kurti ndaj taksës.
“Qëndrimet e tij kanë ndërruar radikalisht. Nuk është më ai Kurti që e kam njohur”, theksoi ai.
Në insistimin e gazetarit se SHBA-të po kërkojnë me ngulm heqjen e taksës, Haradinajn ka thënë se Amerika nuk ka ushtarë më besnik në Ballkan se Ramush Haradinajn.
“Këtë Amerika e din dhe e vlerëson, sepse Kosova është mexha e fundit e ndikimit rus në këtë rajon. Prandaj Amerika e vlerëson qëndrueshmërinë, e jo ndërrimet e qëndrimeve”, ka thënë ai. /Ballkani.info/
