SHBA

Ambasadori amerikan: Lajme të mira për Kosovën, por duhet ta luftoni korrupsionin

Ambasadori i Shteteve të Bashkuara të Amerikës në Kosovë, Philip Kosnett, e ka quajtur lajm të mirë për Kosovën donacionin miliona euro nga Korporata e Sfidave të Mileniumit (MCC).

Por ambasadori Konsett ka thënë se Kosova duhet të vazhdojë përparimin në luftën kundër korrupsionit për ta ruajtur të drejtën për Programin Kompakt të MCC-së.

“Lajme të mira për Kosovën nga MCC – por Kosova duhet të bëjë përparim në anti-korrupsion për të ruajtur të drejtën për kompaktin e MCC”, ka shkruar ambasadori amerikan.

Korporata e Sfidave të Mileniumit (MCC) ka ndarë miliona euro për Kosovën, që të investohet në infrastrukturë dhe energji.

Në shenjë respekti, dje qyteti i Prishtinës është stolisur me flamuj amerikanë.