Ambasada amerikane me njoftim të ri për shtetasit e saj që udhëtojnë në Kosovë
Ambasada amerikane në Prishtinë, ka dhënë një njoftim për shtetasit e saj që udhëtojnë në Kosovë dhe në rajon, pas hapjes së kufijve tokësor.
Përmes një shkrimi në Twitter, kjo ambasadë ka bërë të ditur për qytetarët amerikanë që pavarësisht lehtësimit të hapjes së kufijve, hyrja në njërin kufi nuk do të thotë se mund të largohen përmes të njëjtit.
“Përkujtim për qytetarët e ShBA-së: Pavarësisht lehtësimit të kufijve tokësorë të Kosovës, udhëtimi rajonal mbetet i vështirë. Fakti se ekziston mundësia për të hyrë në Kosovë nuk nënkupton se ju mund të largoheni përmes të njëjtit kufi tokësor. Kontrolloni te ambasadat përkatëse ditën e udhëtimit, rregullat mund të ndryshojnë shpejt”, shkruan ambasada amerikane.
Kujtojmë që qeveria në mbledhjen e djeshme ka marrë vendim që nga 28 qershori të hapet edhe transporti ajror
Reminder to U.S. citizens: Despite relaxation of #Kosovo's land borders, regional travel remains difficult. Being able to enter Kosovo does not mean you can depart through the same land border; check with respective embassies especially on the travel day, rules can change quickly pic.twitter.com/RBbRM0dWPD
— U.S. Embassy Pristina (@USEmbPristina) June 24, 2020