Allegri, zgjedhja e parë e Manchester United
Massimiliano Allegri është bërë zgjedhja e parë e Manchester Unitedit për ta zëvendësuar Ole Gunnar Solskjaerin në postin e trajnerit, nëse shkarkohet norvegjezi.
Mediat italiane raportojnë se ish-trajneri i Milanit dhe Juventusit do të emërohet trajner i “Djajve të kuq”, sapo të shkarkohet Solskjaer.
Allegri është duke mësuar anglisht, derisa po përgatitet për kalimin te gjiganti i Premierligës, sipas Gazzetta dello Sport.
Trajneri italian është i papunë që prej se u largua nga Juventusi në verë.
Ndërkohë, Solskjaer është nën presion të madh për shkak të rezultateve të dobët në këtë fillim sezon.
Unitedi i ka vetëm dy fitore, tri humbje dhe tri barazime në tetë javët e gara në sezonin e ri në ligë.