Aliu: I prekuri me koronavirus nga Ferizaj, nuk ka pasur kontakte me familjarët, ka qëndruar në konvikt
Kryetari i Ferizajt, Agim Aliu, ka folur për rastin e parë konfirmuar me coronavirus në këtë komunë.
Pasi një 32 vjeçar nga fshati Bibaj i Ferizajt ka dal pozitiv në testin e koronavirusit.
Përmes një shkrimi në Facebook, ai ka thënë se personi me COVID-19, që ka ardhur nga Gjermania, nuk ka pasur kontakte me familjarët.
Ai ka theksuar se ky person ka qëndruar në Qendrën e Studentëve, dhe me të rezultuar pozitiv, është marrë në trajtim nga Klinika Infektive.
“Pacienti zero apo i konfirmuari i parë me CoronaVirus në Ferizaj nga fshati Bibaj i ardhur mbrëmë nga Gjermania dhe i vendosur në Qendrën e Studentëve ka qenë në karantinë, pra NUK KA PASUR fare kontakt me familjen dhe bashkëfshatarët e fshatit Bibaj, mirëpo me të shfaq simptomat është trajtuar nga IKShP ku ka rezultuar pozitiv me CoronaVirus e që tash po trajtohet në Klinikën Infektive të QKUK-së”, ka thënë Aliu.
Ndërkaq, numri i të infektuarve me coronavirus në Kosovë, ka arritur në 28.
